Meri zindagi pe ek kavita

Zindagi to meri ekdam suljhee huyi si hai..

kuchh jyada hi seedhi saadi si..

ek seedhe resham ke dhaage see..

jo hawa ke sath udata hai..

jisme nahi pada koi fanda ya koi gaath..

bah rahi hawa ke sath mano doondh raha ho apna bandhan ..

meri zindagi ek sidhe bina ulajhe dhage see!

Jaise ek hawa me girta pankh ka tukda...

na to ud sakta aur na girta jameen pe..

bahta rahata apni halki si kaya liye..

chad jata kisi bhi foonk ki sawari

Jaise ped pe ek sukha patta..

jo atka hai ek sukhe huye sire se..

apne vajood se alag hoke bhi..
juda hai kisi jod se..

ya

Ek dhalan pe ludakta hua patthar....

jharane ke pani sa bahta..

kis rah pe jayega wo..

ya ruk jayega kisi tane se takara ke..

ya fir ek pani kee boondh si..

jo chali thi badal se...ek anjani see rah pe..

udegi hawa ke sath ..ya pahuchegi zameen par.

giregi kisi patte pe ya milegi samandar se...

banane ko fir se ek boond...kabhi pani se bhap.. kabhi bhap se pani  !
Meri Zindagi!!!

(Please see previous post for Hindi font version)

(c) Pradeep Singh